नवी दिल्ली : दिल्लीच्या मुख्यमंत्री रेखा गुप्ता यांच्यावर बुधवारी सकाळी सिव्हिल लाईन्स येथील त्यांच्या कार्यालयात आयोजित ‘जन सुनवाई’ कार्यक्रमादरम्यान हल्ला करण्यात आला. मुख्यमंत्री कार्यालयाने ही माहिती दिली.
नवी दिल्ली : दिल्लीच्या मुख्यमंत्री रेखा गुप्ता यांच्यावर बुधवारी सकाळी सिव्हिल लाईन्स येथील त्यांच्या कार्यालयात आयोजित ‘जन सुनवाई’ कार्यक्रमादरम्यान हल्ला करण्यात आला. मुख्यमंत्री कार्यालयाने ही माहिती दिली.
एका वरिष्ठ पोलिस अधिकाऱ्याच्या म्हणण्यानुसार, आरोपीला ताब्यात घेण्यात आले आहे आणि त्याची चौकशी सुरू आहे. उत्तर दिल्लीचे पोलिस उपायुक्त (डीसीपी) आणि इतर वरिष्ठ अधिकारी घटनास्थळी उपस्थित आहेत. दिल्ली पोलिसांच्या सूत्रांनी सांगितले की, आरोपीची ओळख राजेश भाईजी अशी झाली आहे, जो गुजरातमधील राजकोटचा रहिवासी आहे. मुख्यमंत्री कार्यालयाने एका निवेदनात म्हटले आहे की, “आज ‘जन सुनवाई’ दरम्यान दिल्लीच्या मुख्यमंत्री रेखा गुप्ता यांच्यावर एका व्यक्तीने हल्ला केला. दिल्ली पोलिसांनी आरोपीला ताब्यात घेतले आहे आणि त्याची चौकशी सुरू आहे.” गुप्ता यांच्यावर सुमारे ३५ वर्षांच्या एका व्यक्तीने “हल्ला” केला. त्या व्यक्तीने ‘जन सुनवाई’ दरम्यान मुख्यमंत्र्यांना प्रथम काही कागदपत्रे दिली आणि नंतर त्यांच्यावर हल्ला केला. मुख्यमंत्र्यांना भेटल्यानंतर, दिल्ली भाजपचे प्रमुख वीरेंद्र सचदेवा म्हणाले की, मुख्यमंत्री गुप्ता या घटनेने “चिंताग्रस्त” होते पण त्या ठीक आहेत.
