बुलढाणा : शहरापासून दोन ते तीन किलोमीटर अंतरावर नागमोडी वळण असलेल्या मलकापूर मार्गावरील राजूर घाटातील हनुमान मंदिराजवळ १८, जून रोजी सकाळी चारचाकी व दुचाकीचा भीषण अपघात घडला. यामध्ये दुचाकीस्वाराचा मृत्यू झाला.

बुलढाणा : शहरापासून दोन ते तीन किलोमीटर अंतरावर नागमोडी वळण असलेल्या मलकापूर मार्गावरील राजूर घाटातील हनुमान मंदिराजवळ १८, जून रोजी सकाळी चारचाकी व दुचाकीचा भीषण अपघात घडला. यामध्ये दुचाकीस्वाराचा मृत्यू झाला.
बुलढाणा -मलकापूर मार्गावर सकाळी वाहतुकीची वर्दळ असते. यापूर्वीही अनेकदा या ठिकाणी अपघाताच्या विविध घटना घडल्या आहेत. दरम्यान, बुधवारी सकाळी मारुती ईको कंपनीची (एम.एच. 37 एएच 3099) चार चाकी गाडी बुलढाणा येथून येत असताना समोरील दुचाकीशी धडक होवून विचित्र अपघात घडला. ईको गाडी खाली दुचाकी आल्याने रतीलाल राठोड रा. मोहेगाव यांचा मृत्यू झाला. तर मारूती ईको गाडीमधील शिव प्रसाद, निकिता प्रसाद रा. बुलढाणा हे जखमी झाले आहे. जखमींना जिल्हा सामान्य रुग्णालयात दाखल करण्यात आले आहे. घटनेची माहिती मिळताच बुलढाणा शहर पोलीस घटनास्थळी दाखल झाले होते.