नवी दिल्ली : भारताच्या उपराष्ट्रपतींच्या निवडणुकीसाठी 9 सप्टेंबर रोजी मतदान झाले. यात एकूण ९८ टक्के मतदान झाले. यामध्ये एनडीएचे उमेदवार सीपी राधाकृष्णन आणि इंडिया अलायन्सचे उमेदवार जस्टिस बी. सुदर्शन रेड्डी यांच्यात थेट लढत झाली. यामध्ये एनडीएचे उमेदवार सीपी राधाकृष्णन यांनी एकतर्फी विजय मिळवला. राष्ट्रीय लोकशाही आघाडीचे महाराष्ट्राचे राज्यपाल सीपी राधाकृष्णन हे विजयी झाल्याची घोषणा करण्यात आली आहे.
नवी दिल्ली : भारताच्या उपराष्ट्रपतींच्या निवडणुकीसाठी 9 सप्टेंबर रोजी मतदान झाले. यात एकूण ९८ टक्के मतदान झाले. यामध्ये एनडीएचे उमेदवार सीपी राधाकृष्णन आणि इंडिया अलायन्सचे उमेदवार जस्टिस बी. सुदर्शन रेड्डी यांच्यात थेट लढत झाली. यामध्ये एनडीएचे उमेदवार सीपी राधाकृष्णन यांनी एकतर्फी विजय मिळवला. राष्ट्रीय लोकशाही आघाडीचे महाराष्ट्राचे राज्यपाल सीपी राधाकृष्णन हे विजयी झाल्याची घोषणा करण्यात आली आहे.
उपराष्ट्रपती पदासाठी 9 सप्टेंबर रोजी सकाळी १० वाजता मतदान सुरू झाले आणि सायंकाळी ५ वाजेपर्यंत ते चालले. यामध्ये पंतप्रधान नरेंद्र मोदी यांनी सर्वप्रथम मतदान केले. त्यानंतर केंद्रीय मंत्री राजनाथ सिंह, अर्जुन राम मेघवाल आणि किरेन रिजिजू, राज्यसभेचे उपसभापती हरिवंश, भाजपा खासदार कंगना राणावत आणि सपा नेते राम गोपाल यादव यांच्यासह अनेक नेत्यांनी मतदान केले. काँग्रेस संसदीय पक्षाच्या अध्यक्षा सोनिया गांधी, काँग्रेस अध्यक्ष मल्लिकार्जुन खरगे, लोकसभेतील विरोधी पक्षनेते राहुल गांधी यांनीही निवडणुकीत मतदान केले. दरम्यान, यामध्ये भारत राष्ट्र समिती (४ राज्यसभा खासदार), बिजू जनता दल (७ राज्यसभा खासदार) आणि शिरोमणी अकाली दल (१ लोकसभा आणि २ राज्यसभा खासदार) यांनी मतदानात भाग घेतला नाही. २१ जुलै रोजी माजी उपाध्यक्ष जगदीप धनखड यांच्या राजीनाम्यामुळे ही निवडणूक घेण्यात आली. या निवडणुकीत संसदेच्या दोन्ही सभागृहांचे सदस्य मतदान करण्यास पात्र होते. इलेक्टोरल कॉलेजमध्ये एकूण ७८८ सदस्य आहेत. त्यापैकी २४५ राज्यसभेचे आणि ५४३ लोकसभेचे आहेत. सध्या या सदस्यांची एकूण संख्या ७८१ आहे, कारण राज्यसभेत ६ आणि लोकसभेत १ जागा रिक्त आहे. अशा परिस्थितीत निवडणूक जिंकण्यासाठी ३९१ मतांची आवश्यकता होती. दरम्यान, देशाचे नवे उपराष्ट्रपती म्हणून सीपी राधाकृष्णन हे विजयी झाले आहेत.
सी. पी. राधाकृष्णन यांना ४५२ मते
राज्यसभेचे सरचिटणीस पी.सी. मोदी यांनी दिलेल्या माहितीनुसार सी. पी. राधाकृष्णन यांना पहिल्या पसंतीची ४५२ मते मिळाली. तर विरोधी इंडिया आघाडीचे उमेदवार माजी न्यायमूर्ती सुदर्शन रेड्डी यांना पहिल्या पसंतीची ३०० मते मिळाली.
‘स्वयंसेवक’ ते उपराष्ट्रपती
चंद्रपुरम पोनुस्वामी राधाकृष्णन, किशोरावस्थेत राष्ट्रीय स्वयंसेवक संघाचे ‘स्वयंसेवक’ होते, त्यांनी जनसंघातून आपली राजकीय इनिंग सुरू केली, १९९० च्या दशकात भाजपचे खासदार बनले, समर्थकांमध्ये ‘तामिळनाडूचे मोदी’ म्हणून प्रसिद्ध आणि आज देशातील दुसऱ्या सर्वोच्च संवैधानिक पदावर निवडून आले, हे निःसंशयपणे अतुलनीय आहे. उपराष्ट्रपती म्हणून त्यांचा प्रवास आता वेगळा असेल, ज्यामध्ये त्यांना अनेक आव्हानांनाही तोंड द्यावे लागेल. राज्यसभेच्या अध्यक्षपदी सत्ताधारी पक्ष आणि विरोधी पक्ष यांच्यात संतुलन साधण्याचे सर्वात मोठे आव्हान असेल, कारण गेल्या काही वर्षांत विरोधकांनी अध्यक्षपदाच्या निष्पक्षतेबद्दल अनेक प्रश्न उपस्थित केले आहेत.
