कारंजा : शहरात मालमत्तेसाठी वारंवार होणाऱ्या कौटुंबिक वादातून जन्मदात्याने मुलावर चाकूने वार करुन हत्या केली. ही खळबळजनक घटना १२ एप्रिल रोजी सकाळी घडली असून पोलिसांनी आरोपी पित्यास गजाआड केले.
कारंजा : शहरात मालमत्तेसाठी वारंवार होणाऱ्या कौटुंबिक वादातून जन्मदात्याने मुलावर चाकूने वार करुन हत्या केली. ही खळबळजनक घटना १२ एप्रिल रोजी सकाळी घडली असून पोलिसांनी आरोपी पित्यास गजाआड केले. या घटनेने एकच खळबळ उडाली आहे. अनिल मोखडकर (वय ४०) असे मृतकाचे तर गोपाल मोखडकर (वय 60) असे आरोपी पित्याचे नाव आहे.
प्राप्त माहिती नुसार, शहरातील अनिल मोखडकर हे ट्रक चालक म्हणून काम करीत होते. कुटुंबातील संपत्तीसाठी पिता पुत्राचे नेहमी वाद होते. दरम्यान, ११ एप्रिलच्या रात्री पितापुत्रात यावरुन वाद झाला. यानंतर शनिवारी सकाळी पुन्हा हा वाद वाढला आणि झालेल्या वादात संतापलेल्या पित्याने मुलगा अनिलवर चाकुने सपासप वार करुन त्याचा खून केला. या हल्यात अनील मोखडकर याचा मृत्यू झाला. या घटनेची माहिती शहरात पसरताच एकच खळबळ उडाली. घटनेची माहिती मिळताच पोलिसांनी घटनास्थळ गाठून मृतदेह उत्तरीय तपासणीसाठी हलविला. तर आरोपी पित्याचा शोध घेत त्यास तत्काळ गजाआड केले. घटनेचा पुढील तपास कारंजा पोलीस करीत आहेत.
