छत्रपती संभाजीनगर : नारेगाव परिसरातील मांडकी येथे असलेल्या निवासी गतिमंद विद्यालयातील विद्यार्थ्यांना लाथाबुक्यांसह कुकरच्या झाकणाने मारहाण करण्यात आल्याची धक्कादायक घटना समोर आल्यानंतर जिल्ह्यात एकच खळबळ उडाली आहे. या घटनेचा एक व्हिडिओ सोशल मीडियावर सोमवार, 3 नोव्हेंबर रोजी व्हायरल झाला असून या प्रकरणी चिकलठाणा पोलिस ठाण्यात केअरटेकरसह शिपायावर गुन्हा दाखल करण्यात आला असल्याची पोलिस निरीक्षक रवीकिरण दरवडे यांनी दिली.
छत्रपती संभाजीनगर : नारेगाव परिसरातील मांडकी येथे असलेल्या निवासी गतिमंद विद्यालयातील विद्यार्थ्यांना लाथाबुक्यांसह कुकरच्या झाकणाने मारहाण करण्यात आल्याची धक्कादायक घटना समोर आल्यानंतर जिल्ह्यात एकच खळबळ उडाली आहे. या घटनेचा एक व्हिडिओ सोशल मीडियावर सोमवार, 3 नोव्हेंबर रोजी व्हायरल झाला असून या प्रकरणी चिकलठाणा पोलिस ठाण्यात केअरटेकरसह शिपायावर गुन्हा दाखल करण्यात आला असल्याची पोलिस निरीक्षक रवीकिरण दरवडे यांनी दिली.
पोलिसांनी दिलेल्या माहितीनुसार, प्रदीप देहाडे असे केअरटेकरचे नाव आहे, तर दीपक इंगळे असे शिपायाचे नाव आहे. दोघेही नारेगाव परिसरातील मांडकी गावात असलेल्या चैतन्य कानिफनाथ गतिमंद विद्यालयात गेल्या दहा वर्षापासून नोकरीस आहेत. दीपक इंगळे या शिपायाने गतिमंद विद्यालयातील एका विद्यार्थ्यांचे हात दोरीच्या सहाय्याने बांधून त्यास लाथाबुक्यांसह मारहाण केली. तसेच त्या मुलाला कुकरच्या झाकणाने मारहाण केल्याचा एक व्हिडिओ सोमवारी सोशल मीडियावर व्हायरल झाल्यानंतर जिल्ह्यात एकच खळबळ उडाली आहे. व्हायरल झालेल्या व्हिडिओत दीपक इंगळेने विद्यार्थ्याला कुकरच्या झाकणाने पाठीत जोरात मारल्यानंतर पीडित विद्यार्थी वेदनेने विव्हळतांना दिसत असून पीडित विद्यार्थ्यास तेथे काम करणारी एक महिला बाहेर जाण्याचे सांगत असल्याचे दिसत आहे.
सोशल मीडियावर हा व्हिडिओ व्हायरल झाल्यानंतर जिल्ह्यात एकच खळबळ उडाली असून चिकलठाणा पोलिस ठाण्यात आरोपी शिपाई दीपक इंगळे व केअरटेकर प्रदीप देहाडे यांच्याविरुध्द गुन्हा दाखल करण्यात आला आहे. या दोन्ही कर्मचाऱ्यांविरोधात कारवाई करण्यात येत असल्याची माहिती पोलिस निरीक्षक रवीकिरण दरवडे यांनी दिली आहे.
