Two minor girls are missing: छत्रपती संभाजीनगर शहरातील वाळुज आणि सातारात या परिसरातून दोन अल्पवयीन मुली बेपत्ता झाल्याच्या तक्रारी संबंधीत पोलीस स्टेशनमध्ये दाखल झाल्या आहेत.
छत्रपती संभाजीनगर : शहरातील वाळुज आणि सातारात या परिसरातून दोन अल्पवयीन मुली बेपत्ता झाल्याच्या तक्रारी संबंधीत पोलीस स्टेशनमध्ये दाखल झाल्या आहेत. या तक्रारीवरुन पोलिसांनी विविध कलमान्वये गुन्हा दाखल करुन आरोपींचा शोध सुरू केला आहे.
पहिल्या घटनेत सातारा परिसरात फिर्यादी महिला घरात त्यांच्या अल्पवयीन मुलीसोबत झोपलेली असताना कुणीतरी अज्ञाताने फिर्यादी महिलेच्या मुलीस फूस लावून पळवून नेले. याप्रकरणी तक्रारीवरुन सातारा पोलिसांनी गुन्हा दाखल केला आहे.
दुसऱ्या घटनेत वाळुज परिसरातील फिर्यादी महिलेने पोलीस स्टेशनमध्ये तक्रार दिली की, त्यांची अल्पवयीन मुलगी बाथरुमला जाते असे सांगून घराबाहेर पडली. मात्र, खूप वेळ होऊनही परत न आल्याने फिर्यादी महिलेने संबंधित पोलीस स्टेशनमध्ये जाऊन तक्रार दाखल केली. या दोन्ही घटनेत आज 5 एप्रिल रोजी विविध कलमान्वये गुन्हा दाखल करण्यात आला असून, पुढील तपास पोलीस करीत आहेत.
