छत्रपती संभाजीनगर : मित्रासोबत हर्सूल तलावात बुडून 25 वर्षीय तरुणाचा मृत्यू झाला. ही घटना मंगळवार, 21 ऑक्टोबर रोजी सकाळी दहा वाजेच्या सुमारास घडली असल्याची माहिती अग्निशमन दलाचे मुख्य अग्निशमन अधिकारी अशोक खांडेकर यांनी दिली.
छत्रपती संभाजीनगर : मित्रासोबत हर्सूल तलावात बुडून 25 वर्षीय तरुणाचा मृत्यू झाला. ही घटना मंगळवार, 21 ऑक्टोबर रोजी सकाळी दहा वाजेच्या सुमारास घडली असल्याची माहिती अग्निशमन दलाचे मुख्य अग्निशमन अधिकारी अशोक खांडेकर यांनी दिली.
रोहित अनिल बनकर (25वर्ष), रा. एकता नगर ,जटवाडा रोड असे पाण्यात बुडून मृत्यू झालेल्या तरुणाचे नाव आहे. रोहित बनकर मंगळवारी सकाळी दहा वाजण्याच्या सुमारास तलावात एक तरुण गटांगळे खात बुडत असल्याचे, हर्सूल तलाव येथे तैनात असलेल्या सुरक्षा रक्षकाच्या निदर्शनास आला. त्याने या घटनेची माहिती अग्निशमन दलाला दिली. मुख्य अग्निशमन अधिकारी अशोक खांडेकर, उपमुख्य अग्निशमन अधिकारी विजय राठोड यांच्या मार्गदर्शनाखाली ड्युटी अधिकारी दीपराज गंगावणे, अग्निशमन दलाचे जवान संग्राम मोरे, छत्रपती केकान, मतीन शेख, सचिन फुले, शिवसंबा कल्याणकर, लव घुगे, चंद्रसेन गीते आदींच्या पथकाने घटनास्थळी धाव घेतली. पथकाने तासभर पाण्यात शोध घेतल्यानंतर रोहित बनकर याला बेशुद्ध अवस्थेत बाहेर काढून उपचारासाठी घाटी रुग्णालयात दाखल केले असता डॉक्टरांनी त्यास तपासून मृत घोषित केले. याप्रकरणी हर्सूल पोलीस ठाण्यात अकस्मात मृत्यूची नोंद करण्यात आली असून मयत रोहित बनकर यांनी आत्महत्या केली की त्याचा घातपात करण्यात आला याचा तपास पोलीस करीत आहेत.
