खामगाव : संपूर्ण जिल्हा ओला दुष्काळात सापडला आहे. शेतकऱ्यांचे अतोनात नुकसान झाले आहे. मात्र जिल्ह्याला लाभलेले दोन्ही पालकमंत्री अद्यापही बेपत्ता असून कोणीही दुष्काळग्रस्त शेतकऱ्यांची विचारणा करण्यासाठी फिरकले नाही. त्यामुळे बेपत्ता झालेल्या दोन्ही पालकमंत्र्यांबद्दल येथील राष्ट्रवादी शरदचंद्र पवार गटाच्यावतीने येथील उपविभागीय पोलीस अधिकारी कार्यालयाला तक्रार देण्यात आली आहे. तसेच दोन्ही पालकमंत्र्याना शोधून देणाऱ्यास 11 रूपये बक्षिस जाहिर करण्यात आले आहे.
खामगाव : संपूर्ण जिल्हा ओला दुष्काळात सापडला आहे. शेतकऱ्यांचे अतोनात नुकसान झाले आहे. मात्र जिल्ह्याला लाभलेले दोन्ही पालकमंत्री अद्यापही बेपत्ता असून कोणीही दुष्काळग्रस्त शेतकऱ्यांची विचारणा करण्यासाठी फिरकले नाही. त्यामुळे बेपत्ता झालेल्या दोन्ही पालकमंत्र्यांबद्दल येथील राष्ट्रवादी शरदचंद्र पवार गटाच्यावतीने येथील उपविभागीय पोलीस अधिकारी कार्यालयाला तक्रार देण्यात आली आहे. तसेच दोन्ही पालकमंत्र्याना शोधून देणाऱ्यास 11 रूपये बक्षिस जाहिर करण्यात आले आहे.
दिलेल्या तक्रारीत नमूद आहे की, महाराष्ट्रासह बुलढाणा जिल्ह्यात परतीच्या पावसाने धुमाकूळ घातला असून हजारो हेक्टर शेती पाण्याखाली गेली आहे. इतकंच नाही तर शेकडो हेक्टर शेती ही पिकासह अक्षरशः खरडून गेली. काही ठिकाणी अनेक घरे पाण्याखाली गेली आहेत. अतिशय भयावह परिस्थिती असतांना ही बुलढाणा जिल्ह्याचे पालकमंत्री मकरंद पाटील तसेच सह पालकमंत्री संजय सावकारे यांच्या रूपात जिल्ह्याला 2 पालकमंत्री असूनही संकट काळी दोन्ही पालकमंत्री हरविले आहेत. शेतकऱ्यांच्या बांधावर अजूनही कुणी पोहचले नाहीत. आपल्या वातानुकूलीत रूम मध्ये बसून अधिकाऱ्यांना फक्त ते सूचना करत असल्याची माहिती आहे. खर तर हे दोन्ही पालकमंत्री आपल्या बुलढाणा जिल्ह्यात शेतकऱ्यांच्या बांधावर हवे होते. मात्र तसे झाले नाही. त्यामुळे आमचे पालकमंत्री हरविले असल्याची आम्हाला शंका आहे. त्यामुळे पोलीस विभागाने शोध पथक रवाना करत आमचे पालकमंत्री शोधून द्यावे, त्यासाठी आम्ही पोलिसात हरवल्याची तक्रार देत आहोत तरी पोलिसांनी पालकमंत्री यांना तात्काळ शोधून शेतकऱ्यांच्या बांधावर त्यांना पाठवावे. अश्या आशयाची तक्रार राष्ट्रवादी शरदचंद्र पवार गटाने पोलिसात दिली आहे. निवेदन देतांना राष्ट्रवादीचे जिल्हा उपाध्यक्ष डॉ, संतोष तायडे, तालुकाध्यक्ष संजय बगाडे, अल्पसंख्याक नेते शेख अयाज, डॉ. ज्ञानेश्वर रावनकार, संतोष पेसोडे सह राष्ट्रवादीचे कार्यकर्ते उपस्थित होते.
