Buldhana constituency vote counting: महायुतीचे उमेदवार संजय गायकवाड यांचा लीड कापत आघाडीच्या जयश्री शेळके यांनी १ हजार १२४ मतांची आघाडी तेराव्या फेरीत घेतली आहे.
बुलढाणा : महायुतीचे उमेदवार संजय गायकवाड यांचा लीड कापत आघाडीच्या जयश्री शेळके यांनी १ हजार १२४ मतांची आघाडी तेराव्या फेरीत घेतली आहे.
बुलढाणा विधानसभा मतदारसंघात कुठल्या फेरीत काय होईल? याचा अंदाज लावणे कठीण झाले आहे. अतिशय चुरशीची ठरत असलेल्या लढतीत तेराव्या फेरी अखेरीस जयश्री शेळके यांनी आता मुसंडी मारली आहे. महायुती शिंदे शिवसेनेचे उमेदवार संजय गायकवाड यांना आतापर्यंत ४८ हजार ६५६ मते मिळाली तर, त्यांचा लीड कापत जयश्री शेळके यांनी ४९ हजार ७८० मते मिळाली. निकाल पलटीच्या दिशेने जात असल्याने मतदार संघात उत्सुकता शिगेला पोहोचली असून, आघाडीच्या कार्यकर्त्यांमध्ये उत्साह संचारला आहे. तेराव्या फेरी च्या आकडेवारीवरून संजय गायकवाड समर्थकांच्या पदरी थोडीशी निराशा पडली. बुलढाणा विधानसभा मतदारसंघाची लढतिकडे संपूर्ण जिल्ह्याचे लक्ष लागले आहे.
